PËR KOMPONENTËN E MUNDËSIVE
Komponenta e Mundësive e ‘Energji për Barazi’ mbështet gratë në karrierën e tyre përmes fuqizimit të kapaciteteve të tyre, njohurive praktike dhe sistemeve mbështetëse për të hyrë ose për ta avancuar karrierën e tyre në sektorin dinamik të energjisë. Besojmë që duke investuar në zhvillimin profesional të grave, mund të krijojmë një fuqi punëtore më të shumëllojshme, përfshirëse dhe inovative.
Pjesëmarrësit në Komponentën e Mundësive do të fuqizojnë kapacitetet e tyre, njohuritë praktike dhe sistemet mbështetëse dhe si rrjedhojë kjo do t‘i mundësojë grave që t’i plotësojnë kushtet për tu punësuar, mbajtur në punë dhe promovuar në sektorin e energjisë.
Bashkëpunimi me kompanitë që u ofrojnë mundësi grave në këto fusha dhe udhëheqin mundësitë për zhvillimin e karrierës së tyre, do jetë thelbësor për Komponentën e Mundësive. Implementimi do të fokusohet në tre mundësitë në vijim:
Hyrja në fuqinë punëtore: Për gratë që synojnë të hyjnë në sektorin e energjisë, ne ofrojmë mjete thelbësore, trajnime, mentorim dhe mbështetje për t’ju ndihmuar grave që të fillojnë karrierën e tyre.
Ri-hyrja në fuqinë punëtore: E kuptojmë që gratë e rikthyera në fuqinë punëtore pas një pushimi përballen me sfida të ndryshme. Programi jonë ofron ndihmë për t’ju mundësuar grave rikthim të lehtë në industrinë e energjisë.
Shtegu drejt Lidershipit: Duke njohur rëndësinë e përfaqësimit të grave në pozita të lidershipit, ne ofrojmë mundësi mentorimi për të ndihmuar gratë, që të avancojnë në role vendim-marrëse.
Gratë brenda secilës kategori përballen me sfida specifike në zhvillimin e karrierës, e që kërkon qasje të përshtatura për adresimin e nevojave të tyre individuale, e jo gjetjen e një zgjidhjeje të përgjithshme.
Rrjedhimisht, Komponenta e Mundësive do të ofrojë një gamë të nën-aktiviteteve të disenjuara për përmbushjen e këtyre nevojave të shumëllojshme.
1. Programi i Punës Praktike do të ofrojë një përvojë në vendin e punës për praktikantët, duke i pajisur ata me shkathtësi dhe njohuri praktike dhe duke e lehtësuar zhvillimin e tyre profesional për krijimin e lidhjeve mes kandidateve të kualifikuara dhe punëdhënësit në sektorin e energjisë dhe sektorët e ngjashëm
2. Programi i Mentorimit është krijuar për të ofruar mentorim dhe udhëzim për profesionistet që kanë aspirata në industrinë e energjisë. Programi synon nxitjen e zhvillimit të karrierës, rritjen e shkathtësive të lidershipit, dhe promovimin e diversitetit gjinor dhe përfshirjen gjinore brenda sektorit.
3. Programi i Trajnimit është një nën-aktivitet që fuqizon të gjitha mundësitë e shqyrtuara në Energji për Barazi. Lloje të ndryshme të trajnimeve do të mbështesin profesionistët e nivelit fillestar, gratë që rikthehen në fuqinë punëtore ose që dëshirojnë të avancohen në role vendim-marrëse.
Jemi të përkushtuar në krijimin e mundësive që gratë të përparojnë në sektorin e energjisë. Bashkohuni me misionin tonë për mbështetur dhe mundësuar një fuqi punëtore të shumëllojshme.
